सामाजिक फीड-
९ गते जनकपुरधाम
नेपालमा हाल २२ लाखभन्दा बढी स्मार्ट ड्राइभिङ लाइसेन्स प्रिन्ट हुन बाँकी छ, जसले सेवाग्राहीहरूलाई गम्भीर असुविधा पुर्याएको छ। लाइसेन्स छपाइको काम रोकिएको प्रमुख कारण प्राविधिक समस्या, जनशक्ति अभाव, र उपकरणहरूको अपुगता हुन्। विभागसँग महिनामा एक लाख कार्ड छाप्ने क्षमता मात्र भएकाले यो काम सम्पन्न गर्न झन्डै ११ महिना लाग्ने अनुमान गरिएको छ
दैनिक रूपमा नयाँ आवेदकहरू ट्रायल पास गर्दैछन्, तर पुराना सेवाग्राहीहरूले पनि अझै लाइसेन्स प्राप्त गर्न सकेका छैनन्। धेरैले अस्थायी रसिद बोकेर काम चलाइरहेका छन्। यस्तो अवस्थामा केही लाइसेन्सहरू प्रिन्ट हुने बेलामै अवैध (expire) हुने सम्भावना बढेको छ, जसले थप असन्तोष निम्त्याउन सक्छ
विभागले हालसम्म प्रिन्टर र कार्ड खरिद गर्न २० लाख थानको योजना अघि सारेको भए पनि, लाइसेन्स छपाइ कार्यलाई व्यवस्थित गर्न सरकारी निकायहरूबीच समन्वयको कमीले काममा ढिलाइ भइरहेको छ
यो समस्या समाधान गर्न प्रभावकारी नीतिगत कदम आवश्यक छ। स्मार्ट कार्डको समस्या समाधान नभएसम्म राष्ट्रिय परिचयपत्रबाटै वैकल्पिक रूपमा काम चलाउन सकिने विकल्प पनि विचार गरिएको छ।
यसले सेवाग्राहीलाई सुविधा दिने र लाइसेन्स प्रिन्टिङको दबाब कम गर्ने अपेक्षा गरिएको छ
गतिमान साह सामाजिक फीडका संवाददाता हून् ।