सामाजिक फीड
जनकपुरधाम, भाद्र ७
भलिबलप्रति नेपालमा बढ्दो रुचिको प्रमाणस्वरूप दुई चर्चित अन्तर्राष्ट्रिय खेलाडी येव्गिनिया कालिनोभा र योस्रा जेराम्डिनीले आगामी एभरेस्ट महिला भलिबल लिगमा मधेश युनाइटेडबाट प्रतिनिधित्व गर्ने भएका छन्। काजाकिस्तानकी कालिनोभा र ट्युनिसियाकी जेराम्डिनीले मधेश युनाइटेडको तर्फबाट प्रतियोगितामा खेल्ने घोषणा गरिसकेका छन्।
यस निर्णयसँगै मधेश युनाइटेडले आफ्नो टोलीलाई अन्तर्राष्ट्रिय स्तरमा थप मजबुत बनाएको छ। येव्गिनिया कालिनोभा काजाकिस्तानको शीर्ष खेलाडीमध्ये एक हुन् भने योस्रा जेराम्डिनी ट्युनिसियाको भलिबल क्षेत्रमा ख्यातीप्राप्त खेलाडी हुन्। उनीहरूको अनुभव र क्षमता मधेश युनाइटेडलाई आगामी लिगमा बलियो प्रतिस्पर्धी बनाउने विश्वास गरिएको छ।
एभरेस्ट महिला भलिबल लिगको आगामी संस्करणमा यी दुई खेलाडीको सहभागिताले नेपालमा भलिबलको लोकप्रियतालाई थप वृद्धि गर्ने अपेक्षा गरिएको छ। खेलप्रेमीहरूले अब घरेलु खेलाडीहरूसँगै अन्तर्राष्ट्रिय स्तरका खेलाडीहरूको उत्कृष्ट प्रदर्शन अवलोकन गर्न पाउनेछन्। मधेश युनाइटेडले आफ्नो टोलीलाई सशक्त बनाउँदै यसपटकको लिगमा उत्कृष्ट प्रदर्शन गर्ने लक्ष्य राखेको छ।
गतिमान साह सामाजिक फीडका संवाददाता हून् ।