काठमाडौं, २३ साउन । नेपाली बजारमा सुनको मूल्य घट्दै गएको छ । मंगलबार सुन तोलामा तीन सय रुपैयाँ घट्दै प्रतितोला एक लाख १२ हजार एक सय रुपैयाँमा कारोबार भइरहेको छ ।
हिजो अघिल्लो दिनको तुलनामा एक सय रुपैयाँ घट्दै प्रतितोला एक लाख १२ हजार चार सय रुपैयाँमा कारोबार भएको थियो ।
त्यस्तै आज चाँदीको मूल्य पनि तोलामा २५ रुपैयाँ घट्दै प्रतितोला एक हजार चार सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।