सामाजिक फीड-
जनकपुरधाम, साउन १७ गते ।
महोत्तरीमा उँखु खेतमा लुकाइएको ६० किलो गाँजा प्रहरीले बरामद गरेको छ ।
महोत्तरीको औरही नगरपालिका २ फुलबरीया चेपकट जाने बाटोमा स्थानीय श्याम श्रेष्ठको उँखु खेतमा वेवारिसो अवस्थामा तीनवटा पोकामा रहेको ६० किलो गाँजा बरामद गरेको महोत्तरी प्रहरीले जनाएको छ ।
कामदारहरुले खेतमा काम गरिरहेको अवस्थामा तीनवटा पोका फेला परेपछि प्रहरीलाई जानकारी गराएका थिए । औरही प्रहरी चौकीबाट गएको टोलिले उक्त पोका खेलेर हेर्दा ६० किलो अबैध गाजा रहेको पाइएको जिल्ला प्रहरी कार्यालय महोत्तरीले जनाएको छ । गाँजा नियन्त्रणमा लिएर इलाका प्रहरी गौशालाले थप अनुसन्धान गरिरहेको छ ।