सामाजिक फीड-
जनकपुरधाम, साउन १३ गते ।
रौतहटमा एकयुवकमाथि घरेलु हतियार भाला प्रहार भएको छ । भाला प्रहारबाट रौतहटको फतुवा विजयपुर नगरपालिका ८ का २६ वर्षीय सम्भु राम घाइते भएका हुन् ।
आज साँझ पुरानो रिसीइवीको कारण स्थानीय १८ वर्षीय सदरे आलमले आज साँझ ७ बजे राममाथि भाला प्रहार गरेको रौतहटका प्रहरी प्रवक्ता डिएसपी उमाशंकर यादवले जानकारी दिए । दायाँ तर्फ छातीभन्दा तल कोखमा भाला लागेर राम घाइते भएका छन् ।
उनको उपचार नेशनल हस्पिटल विजयपुर बजारमा भइरहेको छ । भाला प्रहार गर्ने आलमलाई पक्राउ गरेको डिएसपी यादवले बताए । घटना विषयमा थप अनुसन्धान गरिरहेको जिल्ला प्रहरी कार्यालय रौतहटले जनाएको छ ।