सामाजिक फीड-
जनकपुरधाम, साउन १२ गते ।
सप्तरीमा हत्या भएको अवस्थामा एक युवकको शव फेला परेको छ । सप्तरीको हनुमाननगर कंकालिनी नगरपालिका १० ईनर्वामा स्थानीय २१ वर्षीय तिर्कनारायण मण्डलको हत्या भएको अवस्थामा आज बिहान शव फेला परेको हो ।
पैनीको हिलैहिलोमा आज बिहान उनको शव फेला परेको हो । उनको हत्या भएको सप्तरीका प्रहरी प्रवक्ता डिएसपी नरेशकुमार सिंहले जानकारी दिए ।
आजय मण्डल नामका अर्का युवक पनि घाइते अवस्थामा फेला परेका छन् । घाइते युवकको उपचार छिन्नमस्ता अस्पतालमा भइरहेको छ ।
स्थानीयले दुई समूहको ग्यांग फाइटमा सो घटना भएको हुन सक्ने आशंका गरेका छन् । घटना विषयमा थप अनुसन्धान गरिरहेको जिल्ला प्रहरी कार्यालय सप्तरीले जनाएको छ ।