सामाजिक फीड-
जनकपुरधाम,साउन ८ गते ।
सप्तरीमा श्रीमतीको हत्या गरेको आरोपमा एक जना पक्राउ परेका छन् । प्रहरीले महादेवा गाउँपालिका-२ अकबरपुरका ३५ वर्षीय रामरूप खङलाई आइतबार राति पक्राउ गरेको हो ।
घरायसी विवादसँगै भएको कुटपिटबाट ३० वर्षीया पार्वतीदेवी खङको मृत्यु भएको थियो । कुटपिटबाट गम्भीर घाइते भएको पार्वतीको छिन्नमस्ता अस्पतालमा उपचारका क्रममा मृत्यु भएको हो ।
झगडा छुट्याउने क्रममा गम्भीर घाइते भएकी रापरूपकी आमा ६१ वर्षीया समतोलिया खङको उपचार भइरहेको छ ।