सामाजिक फीड-
जनकपुरधाम, साउन ६ गते ।
धनुषामा नातामा भिनाजु पर्ने एक भारतीय नागरिकको चिर्पट प्रहार गरी हत्या भएको छ । हत्या हुनेमा भारतको सोनपुर चन्दौली बस्ने ३८ वर्षीय शिवमुरत सिंह छन् ।
उनलाई चिर्पट प्रहार गरी हत्या गरेको अभियोगमा प्रहरीले एक युवकलाई पक्राउ गरेको छ । पक्राउ पर्नेमा लक्ष्मिनिया गाउँपालिका ७ लक्ष्मिनिया बजारमा काम गरी बस्ने भारत बनारस घर भएका २५ वर्षीय सुरज सिंह छन् ।
धनुषा प्रहरीका अनुसार घरायसी विवादको क्रममा सुरजले दाउराको चिर्पटले प्रहार गरी कुटपिट समेत गर्दा शिवमुरत गम्भीर घाइते भएका थिए ।
खबर लगतै प्रहरी चौकी लक्ष्मिनियाबाट खटिएको प्रहरीले उनलाई पक्राउ गरेको हो ।
गम्भीर घाइते शिवमुरतको रामा अस्पताल जनकपुरमा भर्ना गरिएको थियो । थप उपचारको लागि भारतको सितामाढीतर्फ लैजाने क्रममा गएराति उनको मृत्यु भएको र घटना विषयमा थप अनुसन्धान भइरहेको प्रहरीले जनाएको छ ।