सामाजिक फीड-
जनकपुरधाम,साउन १ गते ।
जनकपुरमा नक्कली पेस्तोल देखाएर सर्वसाधारणलाई डराउने दुई किशोर पक्राउ परेका छन् ।
सोमबार दिउँसो करिब २ बजेको समयमा जनकपुरधामको महाविर चोक स्थितमा मोटरसाइकलमा सवार दुईजनाले हातबाट पेस्तोल देखाई स्थानीय मानिसहरुमा डर त्रास फैलाउँदै हिँडिरहेको सूचनाको आधारमा उनीहरुलाई पक्राउ गरिएको हो ।
धनुषाका प्रहरी प्रवक्ता प्रहरी प्रवक्ता वेदप्रसाद गौतमका अनुसार पक्राउ पर्ने दुबैजना करिब १६ वर्षका रहेका छन् ।
उनका अनुसार दुबै किशोरलाई नियन्त्रणमा लिई अनुसन्धान गर्दै जाँदा उनीहरुको हातमा रहेको पेस्तोल नक्कली रहेको र यो भन्दा पहिला पनि स्थानीयलाई डर त्रास देखाउने गरेका थिए ।
यस सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।