सामाजिक फीड-
जनकपुरधाम, जेठ ३२ गते ।
धनुषाको मिथिलाबिहारी नगरपालिकास्थित एक कपडा पसलमा आगलागी भएको छ ।
मिथिलाबिहारी–७ स्थित तारापट्टी चोकमा अकबर नदाफले सञ्चालन गरेको न्यू आरजु वस्त्रालयमा विद्युत सर्ट भई आगलागी भएको हो ।
स्थानीय रामबाबु साहको घरमा सञ्चालनमा रहेको कपडा पसलमा बिहीबार बिहान आगलागी हुँदा ८० लाख रुपैयाँ बराबरको क्षति भएको धनुषाका प्रहरी प्रवक्ता डिएसपी वेदप्रसाद गौतमले जानकारी दिए ।
स्थानीय, प्रहरी तथा धनुषाधाम नगरपालिका र जनकपुरधाम उपमहानगरपालिकाबाट बारुण यन्त्रको सहयोगमा आगो नियन्त्रणमा लिइएको प्रहरीले जनाएको छ ।