सामाजिक फीड-
जनकपुरधाम, जेठ ३० गते ।
धनुषामा ‘लिभिङ टुगेदर’ सम्बन्धमा रहेकी एकल मिहलाको प्रेमीबाटै हत्या भएको रहस्य खुलेको छ । धनुषाको मिथिलाबिहारी नगरपालिका ८ तारापट्टीकीका स्वर्गीय रामचन्द्र दासकी श्रीमति अन्दाजी ४२ वर्षीया उषा दासको हत्या भएको हो ।
हत्या गरेर घर नजिकै पोखरीको डिलमा नांगै पारेर गाडिएको अवस्था उसाको शव धनुषा प्रहरीले जेठ २८ गते साँझ बरामद सडेगलेको अवस्थामा बरामद गरेको छ । हत्या आरोपमा प्रहरीले उसासंग लिभिङ टुगेदर सम्बन्धमा रहेका
बाराको कलैया नगरपालिका १८ घर भई जनकपुरमा घर बनाउने मिस्रीका रुपमा काम गरिरहेका २२ वर्षीय ओमलाल मण्डललाई पक्राउ गरको छ । उनलाई चितवनबाट पक्राउ गरि धनुषा प्रहरी आजै सार्वजनिक गरेको छ ।
धनुषाका प्रहरी उपरीक्षक (एसपी) विश्वराज खड्काका अनुसार दुबैजना लिभिङ टुगेदर सम्बन्धमा रहेका थिए । एकल महिलाले विहे गर्न कर गरेपछि उनको हत्या युवक मण्डलले गरेको अनुसन्धानबाट खुलेको एसपी खड्काले बताए ।
हत्या घटना गत जेठ २० गते राति नै भएको थियो ।
उनीमाथि कर्तव्य जान मुद्दा दर्ता गरि कारबाही प्रक्रिया अघि बढाएको एसपी खड्काले जानकारी दिए ।
यसरी खुल्यो हत्या घटनाको राज :
धनुषा प्रहरीका अनुसार गत आइतबार साँझ ५ बजे लास गाडेको ठाउँमा जनावरले खोस्रेको थियो । शंका लागेपछि गाउँले प्रहरीलाई खबर गर्यो । प्रहरीले शव उत्खनन गरेपछि मृतक उसाकी छोरा सोनु दास र बुहारी मञ्जु दासले आमा रहेको सनाखत गरेका थिए । एसपी खड्काका अनुसार १९ गते छोरा बुहारी ससुराली गएका थिए । त्यहीँ मौका छोपेर उनले हाल चितवनमा काम गरिरहेका प्रेमी मण्डललाई ल्याउन उता लागिन् । दुबैजना घर फर्किए । घरमा छोरा बुहारी नभएको मौका छोपी २५ गते राति दुबैजना घरमै रक्सी सेव गरे । उसाको एक मात्र छोरा र बुहारी छन् । उषा रक्सी बेच्ने गरेकी थिइन् । एक वर्ष अघि एकजनाको घर बनाउँदा रक्सी खान उसाको घरमा जाँदा सम्बन्ध बनेको थियो । उसाले पहिलादेखि नै मण्डललाई विहे गर्न कर गरिरहेकी थिइन् । त्यस रात पनि उनले युवक मण्डललाई पटक पटक विहे गर्न कर गरिन् । मदिराले मातेका युवक मण्डलले एक झापट हाने । त्यसपछि घाँटी थिचेर हत्या गरे । एक घण्टापछि घर छेउको पोखरी किनारमा खाल्टो खनेर लास नांगो पारी गाडे । कपडा, मोबाइल, माटो खन्ने बेला पोखरीमा फाले ।र भोलिपल्ट जनकपुर फर्केर पुनः चितवन तिर लागे ।
छोरा बुहारी दुईदिनपछि घर फर्किदा आमालाई देखेनन् । विभिन्न ठाउँमा खोजविन गरे । लास भेटिएपछि हत्या भएको खुलेको छ ।
पक्राउ युवक मण्डलले आफ्नो प्रेम सम्बन्ध र घटनाको विययमा यस्तो बयान दिएको एसपी खड्काले बताए ।
मृतक उसाो कपडा, खाल्डो खन्न प्रयोग भएको बेल्चा बरामद गरिएको छ । लासलाई पोष्टमार्टमको लागि प्रादेशिक अस्पताल जनकपुर राखेर थप अनुसन्धान गरिरहेको धनुषाका प्रहरी प्रवक्ता डिएसपी वेद प्रसाद गौतमले जानकारी दिए ।