सामाजिक फीड-
जनकपुरधाम, जेठ १८ गते ।
महोत्तरीमा एक जना भारतीय सपेरा मृत फेला परेका छन् । भारत उत्तर प्रदेश कानपुर देहात बस्ने ७० वर्षीय जरदान नाथ मृत फेला परेका हुन् ।
उनी महोत्तरी गौशाला नगरपालिका १ रामनगर स्थित पूर्वेश्वर महादेव मन्दिरको प्रतिक्षालयमा बुधबार मृत फेला परेका छन् ।
महोत्तरीका प्रहरी प्रवक्ता डिएसपी दिलीप कुमार गिरीका अनुसार उनी गाउँ घरमा सर्प खेलाउँदै हिड्थे ।
शव पोष्टमार्टमका लागि प्रादेशिक अस्पताल जलेश्वर महोत्तरीमा राखिएको र घटना विषयमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।