सामाजिक फीड-
जनकपुरधाम, जेठ १० गते ।
आज बिहानैदेखि देशभरको मौसम बदली भई विभिन्न स्थानमा वर्षा भइरहेको छ । अहिले सुदूरपश्चिम, कर्णाली, गण्डकी प्रदेशका केही स्थान र बाँकी प्रदेशमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ । मधेश प्रदेशमा पनि अहिले हल्का वर्ष भइरहेको छ ।
आज कोशी, बागमती र गण्डकी प्रदेशका एक दुई ठाउँमा भारी वर्षा हुने सम्भावना छ।
मौसमविद्का अनुसार १० मिलिमिटरसम्म पानी पर्नुलाई हल्का वर्षा, १० देखि माथि ५० मिलिमिटरसम्म पानी पर्नुलाई मध्यम र ५० देखि सय मिलिमिटरसम्म पानी पर्नुलाई भारी वर्षा भनिन्छ।
यस्तै आज दिउँसो कोशी, मधेश र बागमती प्रदेशका तराईमा हावाहुरीको पनि सम्भावना रहेको माशम पूर्वानुमान महाशाखाले जनाएको छ ।
मौसमविद् अधिकारीका अनुसार पश्चिमी न्यून चापीय प्रणालीको प्रभावले मौसम भोलिबिहीबारसम्म यस्तै रहने सम्भावना छ।
मौसम पूर्वानुमान महाशाखाले वर्षासँगै चट्याङ तथा हावाहुरीबाट हुने जोखिमरक्षतिबाट बच्नका लागि सतर्कता अपनाउन सुझाव दिएको छ।