सामाजिक फीड-
जनकपुरधाम, जेठ ३ गते ।
महोत्तरीबाट दुईथान भरुवा बन्दुकसहित तीनजा पक्राउ परेका छन् । पक्राउ पर्नेहरुमा सर्लाहि ईश्वरपुर नगरपालिका १२ बस्ने ३५ वर्षीय लाल बहादुर भोलन, वर्ष ३० का प्रेम बहादुर भोलन र वर्ष ३८ का अमिर स्याङ्तान रहेको प्रहरीले जनाएको छ ।
लालबहादुर र प्रेम बहादुरको साथबाट भरुवा बन्दुक बरामद गरेको इलाका प्रहरी कार्यालय बर्दिबासले जनाएको छ ।
प्रहरीका अनुसार वनपथ राष्ट्रिय वन क्षेत्र शिकार खेल्न गएको बेला मंगलबार साँझ ५ बजे तीन जनालाई इलाका प्रहरी कार्यालय बर्दिबासको टोलिले पक्राउ गरेको हो ।
उनीहरु बन्दुक बोकेर सिकार खेलिरहेको जानकारी पाएपछि प्रहरीले पछ्याएको थियो । भाग्ने क्रममा पक्राउ गरेर उनीहरुमाथि थप अुसन्धान गरिरहेको इलाका प्रहरी कार्यालय बर्दिबासले जनाएको छ ।