सामजिक फीड-
जनकपुरधाम, बैशाख ३१ गते ।
महोत्तरीबाट पेस्तोल र गोलीसहित एक भारतीय नागरिक पक्राउ परेका छन् । पक्राउ पर्नेमा भारतको बिहार राज्य सितामढी जिल्लाको बाजोपट्टी गाउँ वडा नं. ६ बस्ने २६ वर्षीय पप्पु यादव रहेको प्रहरीले जनाएको छ ।
महोत्तरीका प्रहरी प्रवक्ता दिलीपकुमार गिरीका अनुसार शनिबार राति पौने ९ बजेको समयमा महोत्तरीको एकडरा गाउँपालिका ४ हल्खोरी बजार स्थित भारतबाट नेपाल तर्फ आउँदै गरेको अवस्थामा उनलाई पक्राउ गरिएको हो ।
उनकोे साथबाट होम मेड इन इण्डिाय लेखिएको १ थान पेस्तोल र त्यसमा प्रयोग हुने ५ राउण्ड गोली बरामद भएको र थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।