सामाजिक फीड-
जनकपुरधाम, बैशाख ३१ गते ।
महोत्तरीमा दलित समुदायका किशोरलाई कुटपिट गरेको आरोपमा एकजना पक्राउ परका छन् । कथित उपोल्लो जातसित भोज खाएको निहुमा दलित किशोरमाथि कुटपिट गर्ने महोत्तरीको गौशाला नगरपालिका–१ का ४० वर्षीय रामबिनेक यादव पक्राउ परेका हुन् ।
गाउँकै एक भोजमा १७ वर्षीय दलित समुदायका किशोर अविनाश पासवानलाई कुटपिट गरेको आरोपमा उनलाई पक्राउ गरेको इलाका प्रहरी कार्यालय गौशालाका निरीक्षक मनोज यादवले जानकारी दिए ।
पीडितले गत शनिबार जातीय छुवाछुत, भेदभाव र हिंसा तथा कुटपिट विरुद्ध जाहेरी दिएका छन् । गत वैशाख २६ गते राति गौशाला नगरपालिका–१ का सुरतन यादवको आमाकोे सुद्धिभोजमा अविनाशलाई रामविनेकले कुटपिट गरेको आरोप छ । टेन्टको काम गर्दै आएका अविनाश स्थानीयसंगै भोज खाने लाममा बसेपछि तल्लो जात भएर किन उपलल्लो जातसित भोज खाएको भन्दै कुटपिट गरेको पीडितले बताएका छन् ।
घटना पश्चात विभिन्न संघसंस्थाले जातीय विभेद तथा कुटपिटमा संलग्नलाई पक्राउ गरी कारबाही गर्न प्रहरीलाई दबाब दिएका थिए ।