सामाजिकफीड –
जनकपुरधाम, बैशाख २५ गते ।
सिरहाबाट १४ किलो गाँजासहित दुई युवक प्रहरीको फन्दामा परेका छन् ।
गोलबजार-१ मुक्सारका २६ वर्षीय महेन्द्र साह र वडा नं. २ का ३६ वर्षीय श्यामकुमार साह प्रहरीको फन्दामा परेका हुन् ।
गोलबजार नगरपालिका ४ शिवमन्दिर नजिकबाट १३ केजी ८४० ग्राम गाँजासहित उनीहरुलाई पक्राउ गरेको ईलाका प्रहरी कार्यालय गोलबजारका प्रहरी निरीक्षक डुपेन्द्र बुढाथोकीले जानकारी दिए ।
प्र.२–०१–००२ ह. ०२९८ नम्बरको अटोमा लुकाइछिपाई राखेको ५ किलो ८४० ग्राम गाँजासहित महेन्द्र साह र प्र. २–०१–००१ ह. १०५६ नम्बरको अटोमा लुकाइछिपाई राखेको ८ किलो गाजासहित श्याम कुमार साहलाई नियन्त्रणमा लिएको प्रहरी निरीक्षक बुढाथोकीले बताए। उनीहरुमाथि थप अनुसन्धान गरिरहेको प्रहरीले जनाएको छ ।