टुडेपाटी-
जनकपुरधाम, बैशाख १८ गते ।
जनकपुरबाट दुई चोर पक्राउ परेका छन् । जनकपुरधाम उपमहानगरपालिका ९ संकटमोचन मन्दिर पछाडि रहेको जितेन्द्र ठाकुरको घरमा चोरी गर्ने क्रममा दुई चोरलाई पक्राउ गरेको प्रहरीले जनाएको छ । अन्य दुई चोर फरार भएका छन् ।
घरमा कोही नगरेको मौकाछोपी आइतबार मध्य राति मूल ढोकाको ताला फोडेर घरको दोश्रो तल्लामा चारजना चोर चढेका थिए । प्रहरीले घेरा हालेर पक्राउ गर्न खोजेपछि दुईजना फारर भएका छन् ।
दुईजनालाई भने पक्राउ गर्न सफल भएको र दुबैजनामाथि अनुसन्धान गरिरहेको जिल्ला प्रहरी कार्यालय धनुषाले जनाएको छ ।