सामाजिक फिड-
जनकपुरधाम, चैत ५ गते ।
सप्तरीको तिलाठी कोइलाडी गाउँपालिका १ नेपाल भारतसीमा क्षेत्रबाट पेस्तोलसहित दुई युवक पक्राउ परेका छन् ।
पक्राउ पर्नेमा छिनमस्ता गाउँपालिका २ महुवा बस्ने २८ सोनु राय र राजबिराज नगरपालिका १ डुमरी बस्ने २८ वर्षीय रोशन यादव छन् ।
आइतबार दिउँसो करिब १ बजे सप्तरीको तिलाठी कोईलाडी गाउँपालिका १ खाडोखोला स्थित नेपाल प्रहरी र सशस्त्र प्रहरीको संयुक्त चेकिङ्ग टोलीले सोनुलाई अमेरिकन र चाइनिज पेस्तोलसहित नियन्त्रणमा लिएका थिए ।
सो हतियार रोशनले आफूलाई दिएको बयानको आधारमा प्रहरीले उनलाई समेत पक्राउ गरेको प्रहरी प्रवक्ता डिएसपी नरेशकुमार सिंहले जानकारी दिए ।