सामाजिक फिड-
जनकपुरधाम, चैत ४ गते ।
धनुषामा एकजना ट्रयाक्टर चालक छुरा प्रहारबाट गम्भीर घाइते भएका छन् । धनुषाको बडहरी खोलामा बालुवा लिन गएका बेला मिथिला नगरपालिका ९ का ट्रयाक्टर चालक पवनकुमार महतो छुरा प्रहारबाट गम्भीर घाइते भएका हुन् ।
धनुषा प्रहरीका अनुसार शुक्रबार ट्रयाक्टर चालक महतोमाथि बेगाडारस्थित होराइजन स्कुल नजिक पाँचजनाको समूहले छुरा प्रहार गरेका हुन् । ट्रयाक्टर रोकेर पैसा मागेपछि नदिँदा उनीमाथि छुरा प्रहार भएको हो ।
गम्भीर घाइते भएका महतोको जनकपुरधामस्थित जानकी हेल्थ केयरमा उपचार भइरहेको छ । उनको अवस्थामा सुधार हुँदै गएको प्रहरीले जनाएको छ ।
घटनामा संग्न आरोपमा ३ जना पक्राउ परेका छन् । रोपमा निरज लामा, रितेश लामा र किसन लामालाई पक्राउ गरि अनुसन्धान गरिरहेको धनुषाका प्रहरी प्रवक्ता डिएसपी वेदप्रसाद गौतमले जानकारी दिए ।