२० पुष, जनकपुरधाम। ग्लोबल आइएमई बैंक लिमिटेड (GIMEB) ले आफ्नो १६औं वार्षिकोत्सवको अवसरमा वाणिज्य बैंकमा विगत १५ वर्षदेखि आबद्ध रहेका ५९ कर्मचारीलाई सम्मान गरेको छ। बैंकका अध्यक्ष चन्द्रप्रसाद ढकालले आइतबार आयोजित विशेष कार्यक्रममा कर्मचारीहरुलाई सम्मान गरेका हुन्।
सोमबार जारी विज्ञप्ति अनुसार बैंकले देशभर रक्तदान कार्यक्रम आयोजना गरी ५१२ रक्तदाताबाट २४२ लिटर रक्त संकलन गरेको छ। सोमबार देशका सातै प्रदेशमा रक्तदान कार्यक्रम सम्पन्न भएको छ।