सामाजिक फीड–
जनकपुरधाम,असार १० गते ।
रौतहटको गरुडा नगरपालिका-४ बाट चोरी भएको २२० सिसीको पल्सर मोटरसाइकल प्रहरीले चोरी भएको करिब ३० मिनेटमै बरामद गर्दै दुई जनालाई पक्राउ गरेको छ।
पक्राउ पर्नेमा गढीमाई नगरपालिका-६ का २० वर्षीय अनिलकुमार साह र सोही स्थानका २० वर्षीय रामनारायण यादव रहेका छन्। इलाका प्रहरी कार्यालय गरुडाका प्रमुख डीएसपी शंकरप्रसाद आचार्यका अनुसार मंगलबार साँझ करिब ६स्३० बजे घर अगाडि पार्किङ गरी राखिएको बा.प्र.०२-०४१ प ३८४९ नम्बरको पल्सर मोटरसाइकल चोरी भएको थियो।
मोटरसाइकल चोरी भएको सूचना प्राप्त हुनासाथ प्रहरी चौकी धर्मपुरबाट खटिएको टोलीले गढीमाई नगरपालिका-६ स्थित धरमपुर गाउँबाट बाहिरिने एकमात्र पुलमा निगरानी बढाएको थियो। साँझ ७ बजे गरिएको चेकजाँचका क्रममा चोरी भएको मोटरसाइकलसहित दुवै आरोपीलाई नियन्त्रणमा लिन सफल भएको डीएसपी आचार्यले जानकारी दिए।
पक्राउ परेका दुवै जनामाथि थप अनुसन्धान भइरहेको प्रहरीले जनाएको छ।
फाएजा फहमीदा सामाजिक फीडकी संवाददाता हून् ।