सामाजिक फीड-
जनकपुरधाम, मंसिर १२ गते ।
आगामी २१ फागुनमा तय भएको प्रतिनिधिसभाको चुनावमा भाग लिन चाहने दलको संख्या १०८ पुगेको छ ।
बिहीबार बेलुकीसम्म निर्वाचन प्रयोजनका लागि दल दर्ता गर्नेको संख्या १०८ पुगेको निर्वाचन आयोगका प्रवक्ता नारायणप्रसाद भट्टराईले जानकारी दिए ।
निर्वाचनका लागी दल दर्ता गर्ने समय थपिएर आइतबारसम्म पुगेको छ । निर्वाचन आयोगमा दल दर्ताको प्रक्रियामा १६ दल रहेका छ । ती दलले आधिकारिता पाएको खण्डमा समेत निर्वाचन प्रयोजनका लागि दल दर्तामा जान सक्दछन् । यसबीचमा अझ केही दल थपिन सक्नेछन् ।
२०७९ को प्रतिनिधिसभाको चुनावमा ८४ वटा दलले सहभागिता जनाएका थिए । यसपटक यो संख्या बढेको छ ।
निर्वाचन आयोगमा दर्ता हुने दलको संख्या १३९ पुगेको छ । जेनजी आन्दोलनपछि मात्रै २३ नयाँ दल दर्ता भएको हो ।