सामाजिक फीड-
जनकपुरधाम, असोज २१ गते ।
सुनको मूल्यमा आज पुनः तीव्र वृद्धि हुँदै नयाँ कीर्तिमान कायम भएको छ। नेपाल सुनचाँदी व्यवसायी महासङ्घका अनुसार आज छापावाला सुनको मूल्य तोलामा २ लाख ३५ हजार ४ सय रुपैयाँ पुगेको छ।
हिजोको तुलनामा सुनको मूल्य २ हजार ३ सय रुपैयाँले वृद्धि भएको हो। हिजो यो दर २ लाख ३३ हजार १ सय रुपैयाँ थियो।
चाँदीको मूल्य भने स्थिर छ। महासङ्घका अनुसार आज पनि चाँदीको भाउ हिजोकै दरमा, अर्थात् तोलाको २ हजार ९ सय ६० रुपैयाँ मा कारोबार भइरहेको छ।
सुनको मूल्य लगातार उकालो लागिरहँदा उपभोक्ता र व्यवसायी दुवै प्रभावित भएका छन्।