सामाजिक फीड–
जनकपुरधाम, बैशाख २३ गते ।
एमाले ८ औं धनुषा जिल्ला अधिवेशनमा कुर्सी हानाहान भएको छ ।
अन्तिम नामावली प्रकाशनको विषयलाई लिएर विवाद हुँदा कुर्सी हानाहान भएको हो । निर्वाचन समितिमाथि केहि नेताकार्यकर्ताले कुर्सी प्रहार गरेका हुन् ।
गत बैशाख २० देखि जनकपुरमा जारी छ ।
सर्वसम्मतको प्रयास असफल भएपछि निर्वाचन प्रक्रिया अगाडि बढाइरहेको छ । अध्यक्ष पदका लागि भोला यादव र लक्ष्मी नारायण यादव उम्मेदवार छन् ।
राति नै मनोनयन दर्ता भएको थियो । उम्मेदवारको अन्तिम नामावलीमा नाम थपघट देखिएपछि विवाद भएको एक नेताले बताए ।
उपाध्यक्षमा जयप्रकाश सुनरैत यादव र तेजनारायण यादव तथा सचिवमा दिप नारायण ठाकुर (दिपन) र धिरेन्द्र कुमार मण्डलको उम्मेदवारी परेको छ ।
उपसचिवमा सचिव विक्रम थापा, सुरेश ठाकुर र हरि किशोर यादव तथा उपसचिव महिलातर्फ किरण कापर, रुका कुमारी मिश्र र सारदा घिसिङले उम्मेदवार बनेकी छन् ।
अधिवेशनबाट पाँच पदाधिकारीसहित १३५ सदस्यीय जिल्ला कमिटी चयन हुनेछ ।
आज विहान साढे ८ बजेदेखि नै मतदान हुने समय निर्वाचन समितिले तोकेपनि तयारी नपुग्दा विहान १० बजेको लागि तय गरेको थियो । तर उम्मेदवारमा अन्तिम मतदानमावलीलाई लिएर विवाद भएपछि मतदान सुरु हुन सकेको छैन ।
अधिवेशन प्रतिनिधि अर्थात् मतदाता ६३५ जना छन् ।