सामाजिक फीड-
जनकपुरधाम, चैत १८ गते ।
महोत्तरीको जलेश्वर नगरपालिका–३ मा तीन वर्षीया बालिका आफन्तबाट बलात्कृत भएकी छन् । प्रहरीले दिएको जानकारी अनुसार, आफन्तले खेलाउन लगेकी बालिकालाई घरमै बलात्कार गरेको खुलेको छ ।
घटनापछि गम्भीर अवस्थामा भेटिएकी बालिकालाई स्वास्थ्य परीक्षण र उपचारका लागि जलेश्वर प्रादेशिक अस्पतालमा भर्ना गरिएको छ । आइतबार दिउँसो २ बजे घटना भएको भए पनि पीडित बालिकालाई घरमै राखेर मिलाउने प्रयास गरिएको थियो। तर, स्वास्थ्य अवस्था बिग्रिएपछि सोमबार अस्पताल लगिएको हो ।
बालिकाको स्वास्थ्य परीक्षण भइरहेको र घटनाबारे विस्तृत अनुसन्धान जारी रहेको महोत्तरीका प्रहरी प्रवक्ता डिएसपी सन्तुलालप्रसाद जैसवारले जानकारी दिए ।