जनकपुर आउदै गरेको हाइस दुर्घटना: एकको मृत्यु, १२ घाइते
सामाजिक फीड
जनकपुरधाम, माघ ४ गते ।
काठमाडौंबाट जनकपुरतर्फ जाँदै गरेको हाइस सिन्धुलीको सुनकोशी गाउँपालिका-६ कानढुंग्रेमा दुर्घटनाग्रस्त हुँदा एक जनाको मृत्यु भएको छ भने १२ जना घाइते भएका छन्।
बा ३ ख ८४४५ नम्बरको माइक्रोबस बिहीबार साँझ दुर्घटना हुँदा धनुषाको जनकपुर उपमहानगरपालिका–१० का ५० वर्षीय निर्मल गुप्ताको उपचारका क्रममा धुलिखेल अस्पतालमा मृत्यु भएको जिल्ला प्रहरी कार्यालय सिन्धुलीका प्रवक्ता डिएसपी अनिल कुमार खड्काले जानकारी दिएका छन्।
साँझ साढे पाँच बजे टायर पञ्चर भएपछि बस सडक छेउको डिभाइडरमा ठोक्किएर दुर्घटना भएको थियो।
घाइतेमध्ये ६ जनाको धुलिखेल अस्पतालमा उपचार भइरहेको छ भने अन्य ६ जनालाई थप उपचारका लागि काठमाडौं पठाइएको सिन्धुली प्रहरीले जनाएको छ।