सामाजिक फीड-
जनकपुरधाम, पुस २५ गते ।
दक्षिणी युक्रेनी शहर जापोरिझियामा रुसले गरेको हवाई आक्रमणबाट १३ जनाको मृत्यु भएको छ भने ३२ जना घाइते भएका छन्। आवासीय भवनहरूलाई लक्षित गरी गरिएको गोलाबारीपछि केही भवनमा आगलागी भएको र गाडीहरू जलेको देखिएको छ।
बीबीसीका अनुसार आक्रमणपछि सार्वजनिक भिडियोहरूले घटनाको गम्भीरता उजागर गरेका छन्।
युक्रेनी राष्ट्रपति भोलोडिमिर जेलेन्स्कीले रुसको आतङ्कवादविरुद्ध अन्तर्राष्ट्रिय समुदायलाई थप दबाब दिन अपील गर्नुभएको छ। यद्यपि, रुसी सेनाले यस विषयमा कुनै प्रतिक्रिया दिएको छैन।
यसअघि पनि रुसले औद्योगिक एकाइहरूलाई निशाना बनाएको खबर सार्वजनिक भएको थियो।
एजेन्सी