सामाजिक फीड-
२५ गते जनकपुरधाम
अन्तर्राष्ट्रिय मानव अधिकार दिवस २०२४ को अवसरमा “हाम्रो अधिकार, हाम्रो अहिलेको भविष्य” भन्ने नाराका साथ जनकपुरधाममा प्रभातफेरी र्याली आयोजना गरियो। मङ्गलबार बिहान ७ बजे जनकपुर रेलवे स्टेशनबाट सुरु भएको र्यालीमा मानव अधिकार संरक्षण र प्रवर्द्धनका लागि नागरिक समाज, अधिकारकर्मी, मिथिला मन्टेश्वरी स्कूल जनकपुरधामका विद्यार्थी, र विभिन्न संघ-संस्थाका प्रतिनिधिहरू उत्साहजनक रूपमा सहभागी भए।
यालीको उद्देश्य मानव अधिकारको संरक्षण, समतामूलक समाज निर्माण, र सबैका लागि न्यायसंगत भविष्य सुनिश्चित गर्नु रहेको आयोजकहरूले बताएका छन्। र्याली जनकपुरका विभिन्न मुख्य स्थानहरू हुँदै नगर परिक्रमा गर्दै समाप्त भयो।
र्यालीमा सहभागीहरूले “हाम्रो अधिकार, हाम्रो दायित्व”, “समावेशी समाजको निर्माण गरौं”, “सबैका लागि शिक्षा र स्वास्थ्य हाम्रो प्राथमिकता” जस्ता नाराहरू लगाउँदै मानव अधिकारका सबै आयाममा सुधार र न्यायका लागि आह्वान गरे। सहभागीहरूले बालबालिका, महिला, LGBTQIA+ समुदाय, र सीमान्तीकृत वर्गका अधिकारलाई प्राथमिकतामा राख्न सरकारलाई आग्रह गरे।
कार्यक्रममा बोल्दै स्थानीय अधिकारकर्मी र नेताहरूले मानव अधिकारको संरक्षणमा राज्य, समाज, र व्यक्तिगत तहमा सामूहिक प्रयास आवश्यक रहेकोमा जोड दिए। उनीहरूले भने, “मानव अधिकारको सुदृढीकरणले मात्र देशको समृद्धि सम्भव छ। यस वर्षको नारा ‘हाम्रो अधिकार, हाम्रो अहिलेको भविष्य’ ले हामी सबैलाई दायित्वबोध गराएको छ । र्यालीको आयोजना मानव अधिकार आयोग, स्थानीय प्रशासन, र गैरसरकारी संघ-संस्थाको संयुक्त पहलमा गरिएको थियो। साथै, कार्यक्रमलाई सफल बनाउन विभिन्न शैक्षिक संस्थाहरू, सामाजिक अभियन्ताहरू, र युवा क्लबहरूले महत्त्वपूर्ण भूमिका खेले।
कार्यक्रमको समापनमा स्थानीय अधिकारकर्मीहरूले मानव अधिकार दिवसको महत्वलाई स्मरण गर्दै भविष्यमा पनि यस्ता अभियानलाई निरन्तरता दिन आवश्यक रहेकोमा जोड दिए। यस अवसरले जनकपुरधामवासीमा मानव अधिकारका विषयमा चेतना फैलाउन मद्दत गरेको विश्वास गरिएको छ।