सामाजिक फीड-
जनकपुरधाम, कार्तिक २७ गते
रौतहटको चन्द्रनिगाहपुरमा जनकपुर आउँदै गरेको यात्रुबाहक बस दुर्घटना हुँदा १२ जना यात्रु घाइते भएका छन् ।
पोखराबाट जनकपुरतर्फ जाँदै गरेको ग.१ ख.५८०७ नम्बरको बस आज बिहान पूर्वपश्चिम लोकमार्गको चन्द्रपुर नगरपालिका–२, लचका नजिक दुर्घटनामा परेको हो ।
बाटो काट्दै गरेको स्याललाई बचाउन खोज्दा बस अनियन्त्रित भएर सडकमा पल्टिएर दुर्घटना भएको प्रहरीले जनाएको छ।
बस चालक दोलखा सैलुङ गाउँपालिका ८ बस्ने ३५ वर्षीय पदम बहादुर बस्नेत र र सह चालक बाराको करैयामाई गाउँपालिका ७ बस्ने ३० वर्षीय सुरज पौडेललाई प्रहरीचोकी पौराहीको नियन्त्रणमा लिएर थप अनुसन्धान गरिरहेको डिएसपी रायले जानकारी दिए ।
जिल्ला प्रहरी कार्यालय रौतहटले दिएको जानकारीअनुसार घाइतेमध्ये एकजनाको अवस्था गम्भीर छ भने तीनजनाको मध्यम र अन्य आठजनाको सामान्य चोटपटक लागेको छ। घाइतेहरुको विभिन्न अस्पतालमा उपचार भइरहेको छ।