सामाजिक फीड-
जनकपुरधाम, असोज ७ गते ।
बारामा एक हात्ती मृत फेला परेको छ । कोल्हबी नगरपालिका– २ भलुयाहीखोर नजिक रमेश जिसीको धान खेतमा आइतबार बयस्क हात्ती मृत फेला परेको हो ।
कोल्हबी सबडिभिजन वन कार्यालयका प्रमुख अब्दुल करिमका अनुसार १५ वर्षको बयस्क हात्ती आइतबार मृत फेला परेको हो ।
हात्तीको घाँटीमा बिजुलीको तार बेरिएको पाइएको छ । त्यसैले करेन्ट लागेर हात्ती मरेको प्रारम्भिक अनुमान छ ।
करेन्ट कसले लगाएको हो भन्ने नखुलेको र अनुसन्धान भइरहेको कोल्हबी सबडिभिजन वन कार्यालयका प्रमुख करिमले बताए ।