सामाजिक फीड-
जनकपुरधाम, असोज ३ गते ।
सिरहाबाट स्रोत नखुलेको १६ लाख रुपैयाँसहित एकजना पक्राउ परेका छन् । बरियारपट्टी गाउँपालिका–२, खोक्सिटोल निवासी ४८ वर्षीय ललित दासलाई प्रहरीले बुधबार नेपाल–भारत सीमा नजिकै गोरगम्मा क्षेत्रबाट नियन्त्रणमा लिएको हो ।
सिरहाका प्रहरी प्रवक्ता डीएसपी मुक्तिनाथ सापकोटाका अनुसार, दास भारतबाट नेपालतर्फ स. १० प. ९८५३ नम्बरको मोटरसाइकलमा आइरहेको अवस्थामा चेकजाँच गर्दा कम्मरमा गम्छाले बाँधेर लुकाएको १६ लाख रुपैयाँ फेला परेको हो ।
प्रहरीले बरामद गरेको रकममध्ये एकहजार दरका १० लाख र पाँचसय दरका ६ लाख रुपैयाँ रहेका छन् । डीएसपी सापकोटाले दासमाथि थप अनुसन्धान भइरहेको जानकारी दिए ।