२४ गते कार्तिक, जनकपुरधाम। नेपाल विज्ञान तथा प्रविधि प्रज्ञा प्रतिष्ठान (नाष्ट)ले शुरु गरेको ‘विज्ञान तथा प्रविधि पत्रकारिता पुरस्कार–२०२१’ बाट विज्ञान पत्रकार तथा सम्पादक छत्र कार्की सम्मानित भएका छन् । बुधबार ललितपुरको खुमलटारस्थित नास्टको अडिटोरियम हलमा आयोजित कार्यक्रममा नास्टका उपकुलपति डा सुनिलबाबु श्रेष्ठले कार्कीलाई उक्त पुरस्कार प्रदान गरेका हुन् । ‘विज्ञान तथा प्रविधिको वैज्ञानिक, ज्ञानमूलक र तथ्यपरक जानकारीलाई मल्टिमिडियामार्फत सर्वसाधारणलाई जानकारी गराएको भन्दै कार्कीलाई यो अवार्ड प्रदान गरिएको हो,’ नास्टले जारी गरेको विज्ञप्तिमा उल्लेख छ ।
कार्की नेपाल विज्ञान पत्रकार मञ्च (NFSJ) का संस्थापक अध्यक्ष तथा कार्यक्रम प्रमुख हुन्।उनसँग पत्रपत्रिका, मल्टिमिडिया र अनलाइन न्यूजपोर्टलमा दुई दशकभन्दा बढीको अनुभव छ। उहाँले राष्ट्रिय र अन्तर्राष्ट्रिय मिडिया आउटलेटहरूका लागि विज्ञान, जलवायु परिवर्तन, वातावरणीय स्वास्थ्य र समसामयिक मामिलाहरू कभर गर्नुहुन्छ। उहाँले नागरिक दैनिक पत्रिकाको ब्यूरो प्रमुखको रूपमा काम गर्नुभएको छ र नेपाल समाचार, नेपालको पहिलो अनलाइन न्यूज पोर्टल, केन्द्रविन्दु अनलाइन मिडिया, र दृष्टि टिभीको सम्पादकको रूपमा काम गर्नुभएको छ। हाल उनी भ्याक्सिन एलायन्स ग्यावीका लागि नेपाल लेखकका रूपमा काम गरिरहेका छन्।
कार्कीले स्पार्क ग्रान्ट इनिसिएटिभ अफ वल्र्ड फेडेरेसन अफ साइन्स जर्नलिस्ट्स (डब्लुएफएसजे) को सहयोगमा सञ्चालित हिमालयन क्लाइमेट बुट क्याम्प २०२२ को कार्यक्रम निर्देशकका रूपमा काम गरिसकेका छन्।कार्यक्रममा दर्जनौंभन्दा बढी वैज्ञानिक, अनुसन्धानकर्ता, शिक्षक र प्राज्ञिकलाई पनि पुरस्कृत गरिएको छ । अन्तर्राष्ट्रिय विज्ञान दिवसको पूर्वसन्ध्यामा नास्टले विज्ञानका विभिन्न क्षेत्रमा योगदान पु¥याउने व्यक्तिहरुलाई पुरस्कृत गरेको छ ।नास्टका उपकुलपति डा सुनिलबाबु श्रेष्ठले पुरस्कार प्राप्त गर्नेहरुलाई बधाई ज्ञापन गर्दै वैज्ञानिक क्षेत्रमा निरन्तर लागिरहन आग्रह गरेका छन् । देशको समृद्धिका लागि अनुसन्धान र गतिविधिहरू। यसैबीच, उपकुलपति श्रेष्ठले नास्टले प्रकाशित गरेको बाली विज्ञान शब्दावलीको विमोचन गर्नुभयो ।
