सामाजिक फीड
जनकपुरधाम, जेष्ठ १६ गते
सलमान खानको नयाँ फिल्म ‘सिकन्दर’मा बाहुबली फेम अभिनेता सत्यराज भिलेनको भूमिकामा देखिने भएका छन्। साउथका चर्चित अभिनेता सत्यराजले ‘बाहुबली’मा कटप्पाको भूमिका निभाएका थिए, र अब उनी सलमानको फिल्ममा खलनायकको रुपमा प्रस्तुत हुँदैछन्।
सत्यराजले हालैको एक अन्तर्वार्तामा आफूलाई ‘सिकन्दर’ मा कास्ट गरिएको खुलासा गरेका छन्। एआर मुरुगादासको निर्देशनमा बन्ने यो फिल्ममा उनी खलनायकको भूमिकामा देखिने जानकारी दिएका छन्।
यस महिनाको सुरुमा, मे ९ मा, निर्माताहरूले फिल्मसँग सम्बन्धित अर्को घोषणा गरेका थिए। फिल्ममा सलमानको अपोजिटमा रश्मिका मन्डन्नालाई कास्ट गरिएको निर्माण पक्षले जनाएको छ।
यो फिल्ममा सलमान र रश्मिका पहिलो पटक सँगै काम गर्दैछन्। ‘गजनी’र ‘हलिडे’ जस्ता फिल्म निर्देशन गरेका एआर मुरुगादासले निर्देशन गर्ने ‘सिकन्दर’ को निर्माता साजिद नाडियाडवाला हुनेछन्। फिल्म आगामी वर्षको इदमा रिलिज गर्ने योजना छ।