सामाजिक फीड,
४ जेठ, जनकपुरधाम । धनुषाकाे विदेहमा स्कूल बस र मोटरसाइकल ठोक्किँदा एक जनाको मृत्यु भएको छ । शुक्रबार बिहान विदेह नगरपालिका–७ को तिनकोरियाबाट औरहीतर्फ आउँदै गरेको प्रदेश–२ ००२ ००४ प ३७८२ नम्बरको मोटरसाइकल र विपरीत दिशातर्फबाट जाँदै गरेको ना. ४ ख ५७० नम्बरको स्कूल बस ठोक्किएका थिए ।
मोटरसाइकल चालक विदेह नगरपालिका–७ का २० वर्षीय सन्तोष यादवको मृत्यु भएको हो । गम्भीर घाइते यादवलाई उपचारका लागि जनकपुरधाम ल्याउँदै गर्दा बाटोमै मृत्यु भएको थियो ।
मोटरसाइकलको पछाडि सवार सुमित राय घाइते भएका छन् ।