सामाजिक फीड
जनकपुरधाम , बैशाख १० गते ।
सिद्धार्थ बैंकको जनकपुर शाखाले सरसफाई गरी विश्व पृथ्वी दिवस मनाएको छ । सोमवार विहान गंगासागर र यसका वरिपरि सरसफाई गर्दै बैंकका कर्मचारीले उक्त दिवस मनाएका हुन् ।
प्लास्टिकको प्रयोग हानिकारक रहेको देखाउँदै कर्मचारीले गंगासागरमा “सामुदायिक सरसफाई कार्यक्रम” आयोजना गरेको बैंकका कर्मचारी कृष्ण साहले बताए ।
‘पृथ्वीको रक्षा गर्न आउनुस हामी सबैजना हात मिलाऔँ । हामी प्लास्टिकको प्रयोग घटाएर प्रभावकारी रुपमा पृथ्वीको रक्षा गर्न सक्छौँ ।
पटक पटक प्रयोग गर्न मिल्ने वस्तु झोलाको रुपमा प्रयोग गरौँ । प्लास्टिकको झोलालाई विस्थापित गरौँ, साहले भने, ‘हामी हरेक अवस्थामा सम्भव भएसम्म पर्यावरणमैत्री विकल्पहरू छनौट गरौँ ।
प्लास्टिकजन्य समाग्री बहिस्कार गर्ने प्रयास गरौँ । हामी आगामी पुस्ताहरूका लागि स्वस्थ, स्वच्छ भविष्य निर्माणमा जुटौँ ।’