१३ कार्तिक, जनकपुरधाम। छठ पर्वको महत्वपूर्ण दिनमध्ये आज साँझ अस्ताउँदो सूर्यलाई अर्घ दिइँदैछ । सोही अनुसार जनकपुरधाम लगायत तराई मधेसका अधिकांश पोखरी, ताल, खोला, खोला सरसफाई गरी पूजास्थलको रुपमा सजाइएको छ भने जनकपुरधाम उपमहानगरपालिकाको मुख्य पोखरी गंगासागरको किनारालाई सजाएर तयारी गरिएको छ । पूजा सम्पन्न भएको छ । छठ पर्वका लागि स्थानीय युवा क्लबले टेन्ट र पण्डल बनाएका छन् ।
जनकपुरधामका स्थानीय युवा क्लबहरूले गंगासागर बाहेक धनुसागर, अंगराज सार, दशरथ ताल, जानकी सरोवर, गोरधोई, अग्निकुण्डलाई सजाउने गरेका छन् । पूजास्थलका रुपमा प्रयोग हुने पोखरी र तालको सरसफाईमा सेना र प्रहरीले पनि सहयोग गरेको छ । भोजपुरी र मैथिली गीतले छठिमैयाको महिमा गर्ने पुजास्थल र बजार क्षेत्रमा गुन्जिरहेको पाइन्छ। छठलाई मिथिला क्षेत्रका जनताको प्रमुख चाडको रूपमा पनि लिइन्छ। छठ पर्वको तयारी एक साताअघिदेखि नै सुरु हुन्छ । कार्तिक शुक्ल चतुर्थीको दिनबाट सुरु भई कार्तिक शुक्ल सप्तमीको दिनमा समापन हुने यो पर्व पण्डित रामकुमार शास्त्रीले बताउनुभयो ।यस पर्वमा विशेषगरी सूर्यदेवको पूजा गरिन्छ । हिन्दू धर्ममा सूर्य पूजा गर्ने परम्परा वैदिक कालदेखि नै रहेको विश्वास गरिन्छ ।
यो पर्वलाई समाजका सबै वर्गले मिलेर मनाउने गरेका छन् । छठ पर्व आजबाट औपचारिक रुपमा सुरु भएको छ । जहाँ व्रत बस्ने महिला तथा पुरुषले नुहाएर सफा लुगा लगाएर शाकाहारी भोजन खाने गर्दछन् । साँझमा माटोको नयाँ चुलोमा चामलको खीर बनाइन्छ। पण्डित शास्त्रीका अनुसार गुड़बाट बनेको खीर वा चामलको खीरलाई देवी-देवतालाई प्रसादको रूपमा चढाइन्छ र चामलको खीर व्रत बस्नेले पनि प्रसादका रूपमा ग्रहण गर्ने गर्दछ। परिवारका अन्य सदस्यजस्तै। कार्तिक शुक्ल षष्ठीतिथीको दिन महिलाहरूले अस्ताउँदो सूर्यलाई अर्घ दिने गर्छन् भने पुरुषहरूले हातमा नरिवल वा अन्य फलफूल लिएर पोखरी र खोलाको किनारमा उभिएर अर्घ दिने गर्छन्। परम्परागत रूपमा परिवारका सबै सदस्यहरू प्रायः रातभर पोखरी किनारमा जाग्राम बस्ने गर्दछन्।
यसैबीच छठमा प्रयोग हुने सामानको भाउ आकासिएपछि उपभोक्ता मारमा परेका छन् । छठ पर्वमा केरा, नरिवल, उखु, मूला, कागती, स्याउ, सुन्तला, गुड़ लगायतका बाँसका वस्तुको प्रयोग हुने गरेकोले पछिल्लो समय अधिकांशको भाउ बढेको छ ।
