भारत । भारतको छत्तीसगढमा मजदुर बोकेको बस दुर्घटना हुँदा १२ जनाको मृत्यु भएको छ।
मंगलबार बेलुकी एक निजी कम्पनीको मजदुर चढेको बस छत्तीसगढको दुर्ग जिल्लास्थित कुम्हारीनजिक दुर्घटना हुँदा १२ जनाको मृत्यु भएको हो । बस खपरी गाउँ पुग्नै लाग्दा अनियन्त्रित भई करिब ४० मिटर तल खसेको थियो।
दुर्घटनामा १५ जना भन्दाबढी घाइते भएका छन्। छत्तीसगढका मुख्यमन्त्री विष्णुदेव सायले घटनाको अनुसन्धानका लागि निर्देशन दिइसकेको बताएका छन्।
दुर्घटनापछि भारतका प्रधानमन्त्री नरेन्द्र मोदी र छत्तीसगढका मुख्यमन्त्री विष्णुदेव सायले दुः ख व्यक्त गर्दै मृतकहरूप्रति श्रद्धाञ्जली र घाइतेहरूको शीघ्र स्वास्थ्यलाभको कामना गरेका छन्।