सामाजिक फीड
जनकपुरधाम, चैत्र १८ गते ।
सर्लाहीमा एक पुरुषको शव फेला परेको छ ।
जिल्लाको लालबन्दी नगरपालिका–१, नवलपुरमा मागी खाँदै हिँड्ने एक पुरुष मृत फेला परेका प्रहरीले जनाएका छन् ।
आइतबार बिहान नवलपुरस्थित तरकारी बजार लाग्ने टहरामा अन्दाजी ६०र६५ वर्षका पुरुष सुतेकै ठाउँमा मृत फेला परेका प्रहरीले जनाएको छ ।
स्थानीयका अनुसार ती पुरुष केही समयदेखि त्यस क्षेत्रमा मागी खाँदै हिँड्ने गरेका थिए ।
मृतकको सनाखत हुन सकेको छैन् ।
घटनास्थलको प्रकृति मुचुल्का गरी मृतकको शव पोष्टमार्टमका लागि प्रादेशिक अस्पताल मलंगवा पठाइएको इलाका प्रहरी कार्यालय लालबन्दीले जनाएको छ ।