सामाजिक फीड
जनकपुरधाम , चैत्र १५ गते ।
अमेरिकामा एक व्यक्तिले धारिलो हतियार प्रहार गरी चार जनाको हत्या गरेका छन् ।
इलिनोइस राज्यमा भएको उक्त आक्रमणमा परी सात जना घाइते समेत भएका छन् ।
एक जना २२ वर्षीय युवकले चक्कु प्रहार गर्दा उक्त घटना भएको राकफोर्ड शहरका प्रहरी प्रमुख कार्ला रेडले बताए ।
चक्कु प्रहारबाट दुई महिला र दुई पुरुषको मृत्यु भएको छ । उनीहरु १५ देखि ६३ वर्ष उमेर समूहका छन् । घाइतेमध्ये एकजनाको अवस्था गम्भीर छ ।
आक्रमण गर्ने व्यक्तिलाई प्रहरीले पक्राउ गरेर अनुसन्धान सुरु गरेको छ । प्रहरीका अनुसार हत्याको कारण खुलेको छैन ।