सामाजिक फीड-
जनकपुरधाम, चैत ८ गते ।
धनुषामा एक युवकको घाँटी रेटेर हत्या भएको छ । हत्या हुनेमा जनकनन्दनी गाउँपालिका २ का स्थानीय १८ वर्षीय कैफ नदाफ छन् ।
उनको गए राति घर नजिकै आँप बगैंचामा घाँटी रेटेर हत्या भएको हो ।
हत्या आरोपमा दुईजनालाई प्रहरीले पक्राउ गरेको छ ।
राति साढे १० बजेतिर साथीसँग बियर खान गएको बेला मोबाइलमा भिडियो हेर्ने विषयमा बिबाद हुँदा नदाफको दुईजना साथीले घाँटीको चिउँडो छुराले रेटेर हत्या गरेको धनुषाका डिएसपी रञ्जन अवाले बताए ।
छुराले घाँटी रेटेपछि गम्भीर घाइते नदाफलाई उपचारको क्रममा भारत लगिएपछ उपचारको क्रममा राति २ बजे मृत्यु भएको हो । शव घर ल्याएपछि परिवारजनले प्रहरीलाई खबर गरेका थिए ।
हत्या अभियोगमा स्थानीय ३० वर्षीय सहमत नदाफ र २२ वर्षीय जाकिस नदाफलाई पक्राउ गरेको डिएसपी अवाले बताए । घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।