सामाजिक फीड
जनकपुरधाम , चैत्र ७ गते।
बुवाको हत्या गरेको आरोपमा सप्तरी प्रहरीले २२ वर्षीय छोरालाई पक्राउ गरेको छ ।
घरायसी विवादमा बन्चरो प्रहार गरी बुवाको हत्या गरेको आरोपमा प्रहरीले सप्तकोशी नगरपालिका वडा नं.३ का २२ वर्षीय लालदेब सदालाई पक्राउ गरेको जिल्ला प्रहरी कार्यालय सप्तरीले जनाएको छ ।
प्रहरी प्रवक्ता प्रहरी नायव उपरीक्षक ढुण्डीराज न्यौपानेका अनुसार बुधबार बिहान करिब ८ बजेको समयमा सप्तकोशी ३ स्थित सखबनि नयाँ बस्तीमा लालदेबले ४५ वर्षीय बुवा हिराई सदालाई बन्चरोले घाँटिमा प्रहार गर्दा उनको घटनास्थलमै मृत्यु भएको हो ।
यस्तै, छिमेकी ६५ वर्षीय दशन सदालाई समेत बन्चरो प्रहार गर्दा उनको टाउको र हातमा चोट लागेकोमा स्थानिय फत्तेपुरामा उपचार भइरहेको प्रहरीले जनाएका छन् ।
घटना पश्चात प्रहरीले लालदेबलाई नियन्त्रणमा लिई थप अनुसन्धान थालेको जिल्ला प्रहरी कार्यालय सप्तरीले जनाएको छ ।