समाजिक फीड
जनकपुरधाम, फागुन ३० गते ।
बारा जिल्लाबाट ठूलो मात्रामा लागुऔषध सहित एकजना पक्राउ परेका छन् ।
निजगढ नगरपालिका १६ स्थित टांगिया बस्ती बस्ने २७ वर्षीय अजय घलान भन्ने कान्छाराम तामाङलाई प्रहरीले पक्राउ गरेको हो ।
उनको घरबाट प्रहरीले १३ सय ४६ वटा ट्याब्लेट बरामद भएको जिल्ला प्रहरी कार्यालय बाराले जनाएको छ ।
बाराका प्रहरी प्रवक्ता डिएसपी दधिराम न्यौपानेका अनुसार विशेष सूचनाको आधारमा मंगलवार ईलाका प्रहरी कार्यालय निजगढबाट खटिएको टोलीले कान्छारामको घरमा खानतलसी गरेको थियो ।
त्यस क्रममा लुकाई छिपाई राखेको अवस्थामा ड्रामाटोल १२०५ पिस, नाईट्राभेट ७५ पिस र एन्टिकफ ६६ पिस ट्याब्लेट बरामद भएको बाराका डिएसपी दधिराम न्यौपानेले बताए ।
बारा जिल्ला अदालतबाट तीन दिनको म्याद लिइ प्रहरीले कान्छाराममाथि अनुसन्धाधन गरिरहेको छ ।