सामाजिक फीड
वीरगञ्ज , फागुन १८ गते ।
पर्सामा बाघको आक्रमणमा परेर एकजना सख्त घाइते भएका छन् ।
पटेर्वासुगौली गाउँपालिका २ लक्ष्मिपुरमा बाघको आक्रमणमा परेर स्थानीय २२ वर्षीय सरोजप्रसाद अधिकारी घाइते भएका हुन् ।
आफ्नो घर जाँदै गरेको अवस्थामा बिहीबार उनलाई जंगलबाट बगैँचामा आएको बाघले आक्रमण गर्दा सख्त घाइते बनाएको वडा नम्बर २ का वडाध्यक्ष विजय गैरेले जानकारी दिए ।
बाघले सो ठाउँमा एउटा बाख्रा समेत मारेको छ । घाइते अधिकारीको अस्पतालमा उपचार हुँदैछ भने बाघ आएको समबन्धित निकायमा खबर गर्दा पनि कुनै टोली नआएको गैरेले बताए ।
करिब डेढ महिना अघि सोही वडामा बाघले एक जनाको ज्यानसमेत लिएको थियो ।