समाजिक फीड
जनकपुरधाम, फागुन १५ गते ।
जनकपुरमा घरमै खेलिरहेको अवस्थाबाट अपहरणमा परेका एकजना बच्चालाई प्रहरीले उद्धार गरेको छ ।
जनकपुरधाम उपमहानगरपालिका–२३ स्थित डेरा लिएर बसिरहेका महोत्तरीको पिपरा गाउँपालिका–७ स्थित २८ वर्षीय रुपेश झाका एक वर्षीय छोरा रुद्धाआंश शनिवार साँझ ५ बजे अपहरणमा परेका थिए ।
आफ्नै डेरा कोठा अगाडी प्यासेजमा खेलिरहेको अवस्थाबाट एक महिलाले उनलाई काखमा उठाएर लगेको सूचनापछि प्रहरी खोजतलामा जुटेको थियो ।
जनकपुरधाम उपमहानगरपालिका–२४ बस्ने ४२ वर्षीया बिभा देवी मण्डलले ती बच्चालाई घरबाटै उठाएर लगेको अनुसन्धानमा खुलेको जिल्ला प्रहरी कार्यालय धनुषाका प्रवक्ता डिएसपी रञ्जन अवाले बताए ।
खोजतलाश गर्दै जाँदा महोत्तरीको लोहारपट्टी नगरपालिका–३ स्थितबाट बिभाको साथबाट रुद्धाआंशलाई फेला पारी उद्धार गरिएको उनले बताए ।
उनका अनुसार बिभा बिरुद्ध अपहरण तथा शरीर बन्धक शिर्षकमा मुद्दा दर्ता गरिएको छ ।
धनुषा जिल्ला अदालतबाट ७ दिनको म्याद थप गरी घटनाबारे थप अनुसन्धान भइरहेको प्रहरीले जनाएको छ ।