समाजिक फीड
जनकपुरधाम, फागुन ८ गते ।
धनुषाको मिथिला नगरपालिका–२ स्थित रहेको सतलोक आश्रममा दश जोडीको सामुहिक विवाह सम्पन्न भएको छ ।
विवाहित जोडीहरु नेपाल र भारतका विभिन्न स्थानका रहेका छन् । रमैणी विधिबाट उनीहरुको बिना खर्चकै सामुहिक विवाह सम्पन्न भएको हो ।
भारतका विवादित सन्त रामपाल महाराजको ३७ औं बोध दिवस र सन्त कबीर दासको ५०६ औं निर्वाण दिवसको उपलक्ष्यमा फागुन ५ गते देखि ८ गते सम्मका लागि आयोजना गरिएको धार्मिक कार्यक्रममा उक्त विवाह भएको हो ।
सतलोक आश्रममा दाइजोमुक्त र बिना खर्चको गरिने यस्तो विवाहलाई ‘रमैणी’ भनिन्छ ।
मिथिला परम्परा इतर रमैणीमा विधव्यवहार गरिन्छ ।
विवाहमा पण्डितको साटो रामपालबाट दीक्षित एकजना अनुयायीले दुलाहा–दुलहीका हातमा रामपालद्वारा लिखित ‘जिने कि राह’ नामको एक–एक वटा किताब दिन्छन् ।
किताब दिने व्यक्तिले नै दुलहा–दुलहीका हातमा रातो रक्षासूत्र बाँधछन् जसलाई जोडीको रक्षाको प्रतीक मानिन्छ।
लगत्तै माइकमा सन्त गरिबदासले रचना गरेको ‘असुर निकन्द रमैणी’ मन्त्र बजाइन्छ ।
लगातर १७ मिनेट रमैणीमा बसेका जोडीले पनि मन्त्र उच्चारण गर्छन् । र २० मिनेटको हाराहारीमा एकसाथ सामुहिक विवाह अर्थात रमैणी सम्पन्न हुन्छ ।
विवाहमा दुलाहा–दुलहीका लागि साधारण लुगामा बाहेक अरू कुनै पनि खर्च लाग्दैन् ।
बेहुला बेहुली चयन दुबै परिवारको सहमतीमा गरिन्छ ।
रामपालका अनुयायीले गर्ने रमैणीमा भोतभात समेत हुँदैन् ।
सतलोक आश्रममा यसअघि समेत दर्जनौ जोडीको रमैणी भएको थियो ।
सतलोक आश्रममा मंगलवार सम्पन्न विशाल भन्डारामा नेपाल, भारत र भुटानका करिब ३ लाख श्रद्धालु सहभागी भएको बताइएको छ ।
Sant rampalji maharaj eliminate all the social problem .
Sat saheb 🙏 bandi chod sat guru rampal je mahraj ke jai 🙏🙏🙏🙏🙏