सामाजिक फीड
जनकपुरधाम , माघ २४ गते ।
रौतहटबाट ३ जना लागूऔषध कारोबारी पक्राउ परेका छन् ।
पक्राउ पर्नेहरुमा सर्लाहीको बागमती नगरपालिका १२ बथाने टोलका २२ वर्षीय राजन मोक्तान , सोही ठाउँका वर्ष २३ का सुजन मोक्तान र वर्ष २९ की असली माया बल रहेको प्रहरीले जनाएको छ।
विशेष सूचनाको आधारमा देवाही गोनाही नगरपालिका ८ गोनाही बजार संग्रालय नजिक सडक खण्डमा जयनगरदेखि जाँदै गरेको मधेश प्रदेश ०३–००१ ह २५२४ नम्बरको डाँफे सवारी नामक अटोलाई चेकजाँच गर्दा दुई वटा जेब्रा झोला भित्र लुकाई राखेको १० किलो ३०० ग्राम लागूऔसध गाँजासहित तीनै जनालाई पक्राउ गरिएको रौतहटका प्रहरी प्रवक्ता डिएसपी एलिजा गिरीले बताइन् ।
पक्राउ परेका राजन मोक्तान सवारी चालक र सुजन मोक्तान असली माया व लागूऔषध गाँजा ओसारपसार गर्ने कारोबारी रहेको प्रहरीले जनाएको छ।
उनीहरूमाथि लागूऔषध सम्बन्धी मुद्दा दर्ता गरी आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ।