समाजिक फीड
जनकपुरधाम, माघ १९ गते ।
बन्दुक र गोली सहित सप्तरीबाट प्रहरीले एकजनालाई पक्राउ गरेको छ ।
पक्राउ पर्नेमा राजविराज नगरपालिका– ५ का शैलेश झा रहेको प्रहरीले जनाएको छ ।
झाको साथबाट २.२ हर्नेट बन्दुक र त्यसमा लाग्ने ४१ राउण्ड गोली समेत बरामद भएको जिल्ला प्रहरी कार्यालय सप्तरीले जनाएको छ ।
हनुमाननगर कंकालिनी नगरपालिका–२ स्थित कोशी बाँधछेउमा हरिणको सिकार गरेको अवस्थामा उनलाई पक्राउ गरिएको हो ।
पक्राउ गरिएका झाले सिकार गरेका दुई जंगली जनावरसमेत नियन्त्रणमा लिइएको सप्तरीका प्रहरी प्रवक्ता डिएसपी ढुण्डिराज न्यौपानेले बताए । उनका अनुसार दुइवटै जनावरको मासु ३५ किलोग्राम रहेको छ ।
घटनाबारे थप अनुसन्धान भइरहेको डिएसपी न्यौपानेले जानकारी दिए ।