समाजिक फीड
जनकपुरधाम, माघ ८ गते ।
भारतको अयोध्यामा राम मन्दिरको प्राण प्रतिष्ठाको खुशीयालीमा जनकपुरको जानकी मन्दिरमा सवा लाख दीप प्रज्वलन गरिएको छ ।
जनकपुरधामसहित मधेशको घरघरमा दियो बालेर खुशीयाली मनाइँदै छ ।
दिपोत्सवमा जानकी मन्दिरमा हजारौ दर्शनार्थी सहभागी भएका थिए ।
जानकी मन्दिरको प्रांगन रंगोली, दिप र फुलले सजाइए छ ।
जनकपुरभर भगवा रंगको जय श्रीराम उल्लेखित भगवा रंगको झण्डा लगाइएको हो ।
विहानैदेखि दिनभर जनकपुरमा बाजागाजा सहित नाचगान गर्दै धार्मिक र्याली निकालिएको थियो ।
यहाँका मठ मन्दिरमा भजन, किर्तन, रमायणपाठ गरियो । जनकपुरमा दिनभर रामधुन गुण्जिएको थियो ।
टेण्टमा रहेको मर्यादापुरुषोतम राम वर्षौपछि अयोध्यामा गृह प्रवेश भएको खुशीयालीमा सोमवार जनकपुर ‘राममय’ बनेको थियो ।
धार्मिक र्याली, दिपोत्सव लगायतका कार्यक्रमलाई मध्यनजर गरी आज जनकपुरमा व्यापक सुरक्षाकर्मी परिचालन गरिएको थियो ।