समाजिक फीड
जनकपुरधाम, माघ २ गते ।
पिकअपले मोटरसाइकललाई ठक्कर दिँदा सर्लाहीमा एकजनाको मृत्यु भएको छ ।
चन्द्रनगर गाउँपालिका–३ बस्ने ३५ वर्षीय राजनारायण महतोको मृत्यु भएको प्रहरीले जनाएको छ ।
बयलवासबाट बबरगन्जतर्फ जाँदै गरेको ज २ प १७२५ नम्वरको मोटरसाइकल र विपरीत दिशाबाट आउँदै गरेको बागमती प्रदेश ०१–०२६ च ०७५९ नम्वरको पिकअप गाडी आपसमा ठोक्किँदा मोटरसाइकल चालक महतो गम्भीर घाइते भएका थिए ।
उपचारका लागि उनलाई प्रादेशिक अस्पताल मलंगवा पुर्याउँदा चिकित्सकले मृत घोषणा गरेको प्रहरीले जनाएको छ ।
घटना विषयमा थप अनुसन्धान भइरहेको प्रहरीको भनाइ छ ।